‘Sports for Social Change’ कार्यक्रम अन्तर्गत नेपाल भ्रमणमा रहेका अमेरिकी प्रतिनिधि मण्डलसँग माननीय युवा तथा खेलकुद मन्त्रीज्यूको भेटघाट

Government of Nepal
‘Sports for Social Change’ कार्यक्रम अन्तर्गत नेपाल भ्रमणमा रहेका अमेरिकी प्रतिनिधि मण्डलसँग माननीय युवा तथा खेलकुद मन्त्रीज्यूको भेटघाट भयो। Sports Diplomacy USA र PH International USA को संयुक्त आयोजनामा माननीय युवा तथा खेलकुद मन्त्री र अमेरिकाका खेलकुदकर्मी, पारा ओलम्पियन लगायत अन्य प्रशिक्षकहरूबीच नेपालमा खेलकुदको क्षेत्रमा गर्न सक्ने कामहरू तथा नेपाल अमेरिका सम्बन्धलाई थप बलियो र प्रगाढ बनाउने विषयमा छलफल भयो । माननीय युवा तथा खेलकुद मन्त्री तेजु लाल चौधरीज्यूले अन्तर्राष्ट्रिय खेलकुद कार्यक्रम (International Sports Programming Initiative) अन्तर्गत संयुक्त राज्य अमेरिकाबाट आएका adaptive sports खेलाडीहरूको स्वागत गर्नुभयो। माननीय मन्त्रीज्यूले नेपाली-अमेरिकी फरक क्षमता भएका खेलाडीहरूबीच नियमित प्रशिक्षण कार्यक्रमहरू सिर्जना गर्ने महत्वमाथि जोड दिनुभयो र साझा सिकाइ तथा सहकार्यको मूल्यलाई प्रकाश पार्नुभयो। उहाँले ओलम्पिक तथा प्यारालम्पिक खेलकुदमा अमेरिकी नेतृत्वको प्रशंसा गर्दै समावेशी र adaptive sports अनुकूल खेलकुदको क्षेत्रमा यो मित्रता दीर्घकालीन र सशक्त साझेदारीमा विकास हुने आशा व्यक्त गर्नुभयो। कार्यक्रममा डा. असीम भण्डारी, नाडा नेपालका संस्थापक प्रमुख तथा एशियाली प्यारालम्पिक समितिको मेडिकल तथा खेल विज्ञान समितिका सदस्य पनि उपस्थित हुनुहुन्थ्यो।
Government of Nepal