माननीय युवा तथा खेलकुद मन्त्री विराज भक्त श्रेष्ठज्यू, मन्त्रालयका सचिव सुमन राज अर्यालज्यू, खेलकुद महाशाखा प्रमुख रूद्र प्रसाद अधिकारीज्यू लगायत राष्ट्रिय खेलकुद परिषद् का पदाधिकारी सहितकाे टालीले आज कर्णाली प्रदेशको सुर्खेतमा दशौं राष्ट्रिय खेलकुद प्रतियाेगिताको लागि तयार भैरहेको भौतिक संरचनाको निरीक्षण गर्नुभएकाे छ । उदघाटन र समापन हुने प्रमुख रङ्गशाला, पौडी पोखरी, नव निर्मित कभर्ड हल, ब्याडमिन्टन हल लगायतका संरचनाको निरीक्षणसँगै प्रगति विवरणको बारेमा जानकारी लिनुभयाे। निरीक्षण पश्चात मन्त्री श्रेष्ठले कर्णाली प्रदेशका माननीय मुख्यमन्त्री यामलाल कडेलज्यू, माननीय सामाजिक विकास मन्त्री वीर बहादुर शाहीज्यू, नगर प्रमुख मोहन माया ढकालसँग छलछलफल गरेका छन। यसैगरी आजै सुर्खेत उद्योग वाणिज्य संघसँग पनि छलफल पनि गर्नुभयो।
